«Emil, Skundi og Gústi» by Guðmundur Ólafsson

Emil, Skundi og Gústi er sjálfstætt framhald hinnar geysivinsælu bókar um Emil og Skunda sem fékk íslensku barnabókaverðlaunin 1986.

Gústi er nýr vinur Emils og Skunda og saman lenda þeir í ýmsum skemmtilegum ævintýrum. Þeir njóta lífsins uns í ljós kemur að Gústi býr yfir hræðilegum leyndardómi sem enginn nema Emil fær vitneskju um.

Emil og Gústi taka höndum saman þegar á móti blæs og Skundi hjálpar til á sinn hátt. Sagan er fjörleg og hlý en sýnir lesandanum jafnframt inn í dapurlegri heim á áhrifamikinn hátt. Aðdáendur Emils og Skunda verða ekki fyrir vonbrigðum með þessa skemmtilegu bók um þá félaga.

Nú í lestri höfundar, Guðmundar Ólafssonar.